15 ივნისს პორტუგალია საქმეში ერთვება. ფერნანდუ სანტუშის გუნდი ბუდაპესტში უნგრეთს დაუპირიპირდება. ამ თემასთან დაკავშირებით პორტუგალიის ნაკრების კაპიტანმა სოციალურ ქსელში პოსტი გამოაქვეყნა:
„5 წლის წინ გავაოცეთ ევროპა, პირველად გავიმარჯვეთ დიდ საფეხბურთო ფორუმში. იმ არაჩვეულებრივი მოთამაშეების ჯგუფიდან, რომლებმაც ფეხბურთის ისტორიაში ოქროს ასოებით ჩაწერეს სახელი, ამ ევრო 2020-ში მხოლოდ 11 დავრჩით, მაგრამ ვიცი, რომ ყველა ის ვინც აქ არ იმყოფება, ჩვენთანაც არის. არა მხოლოდ ისინი, მილიონობით პორტუგალიელი გვგულშემატკივრობს თავიანთი სახლებიდან.
ვიცით, რომ გუნდთან ერთად ხართ, ჩვენ ვგრძნობთ თქვენს მხარდაჭერას, თქვენს შეძახილს და თქვენს რწმენას! თქვენს გამო შევდივართ მოედანზე, თქვენს გამო ვმღერით ჰიმნს, თქვენი წყალობით ვიბრძვით თითოეული წერტილისთვის, თითოეული გამარჯვებისთვის და თითოეული ბურთისთვის…
ტიტულის მოქმედი ჩემპიონების სახით, ჩვენ ვიცით, რომ ჩვენი ვალდებულებები იზრდება და მათთან ერთად იზრდება ჩვენი სურვილი, ჩვენი მიწოდება და თავდაუზოგავი დამოკიდებულება. მოდი დავტოვოთ ყველაფერი მოედანზე პორტუგალიის სახელის ისევ მაღლა ასაწევად!“ – განაცხადა კრიშიტანო რონალდომ.
შეგახსენებთ, რომ პორტუგალია F ჯგუფში იმყოფება სადაც მათ გარდა, ესპანეთის უნგრეთის და გერმანიის ნაკრებები გაარკვევენ პლეი-ოფში გამსვლელთა ვინაობას.
