საქართველოს ეროვნულმა ნაკრებმა ვილი სანიოლის ხელმძღვანელობით პირველი მატჩი მოიგო. ჩვენი გუნდი ამხანაგურ შეხვედრაში სტუმრად რუმინეთს დაუპირისპირდა და მეტოქე ანგარიშით 2:1 დაამარცხა.
მატჩის შემდეგ ჩვენი გუნდიდან გოლის ავტორებმა გიორგი მიქაუტაძემ და გიორგი აბურჯანიამ მოკლე კომენტარი გააკეთეს.
გიორგი მიქაუტაძე: “საქართველოს ნაკრებში გატანილი გოლით და პირველი მოგებით ძალიან ბედნიერი ვარ. იმედი მაქვს მე და ჩვენი გუნდი ასე გავაგრძელებთ.”
გიორგი აბურჯანია: “ეს გამარჯვება რა თქმა უნდა, მნიშვნელოვანი იყო. არამარტო მწვრთნელისთვის ასევე ჩვენთვის. ეს შედეგი მომავალი მატჩებისთვის თავდაჯერებას შეგვმატებს. ეროვნულ ნაკრებში გატანილი გოლი ყველასთვის განსაკუთრებულია და ეს გოლი ჩემს მეუღლეს მივუძღვენი.”
