ფეხბურთის ფედერაციის პრეზიდენტმა, ლევან კობიაშვილმა ტელეკომპანია „იმედის“ ეთერში, გადაცემა „სპორტი იმედზე“ სტუმრობისას შოთა არველაძეს უპასუხა.
არველაძემ, საქართველოს ნაკრების სექტემბრის თამაშების გამო ფეხბურთის ფედერაციის ხელმძღვანელობა და ვილი სანიოლის გუნდი მწვავედ გააკრიტიკა, რაზეც კობიაშვილმა ასეთი პასუხი გასცა.
„როდესაც ნაკრები აგებს, ვიღაც ექსპერტი გამოდა, ჩამწკრივდებიან და რაღაცეებს ამბობენ. აქ არ იყავი წლების განმავლობაში? ერთი მოედანი არ გაგიკეთებია, დადიხარ და რაღაცეებს პროფესორობ. შემოგთავაზეთ, თუ შეგიძლია მოდი და იმუშავე. დგახარ, რაღაცეებს პროფესორობ, იქ რაღაც შეკრება, ანტალია… რაღაცეებს ლაპარაკობ… თუ მინდა მოდი აქ და იმუშავე… ხან რა მიზეზებს ედებიან, ხან რა მიზეზებს, მიხედე რა შენს საქმეს“, – განაცხადა კობიაშვილმა.
