იტალიის ქალაქ ოლბიაში მიმდინარე მსოფლიოს ჩემპიონატზე ილია სულამანიძემ საქართველოს მესამე ოქროს მედალი მოუპოვა. 20 წლის სპოტსმენმა ფინალში უზბეკი მეტოქე დაამარცხა და მსოფლიოს ჩემპიონის ტიტული მოიპოვა.
ილიამ ფინალამდე დიდი გზა გაიარა, ახალგაზრდა სპორტსმნემა პირველ წრეში დაისვენა, მეორე ეტაპზე კი დღის ერთ-ერთი ულამაზესი იპონით გერმანიის სახელით მოასპარეზე გიორგი უძილაური დაამარცხა. 1/4-ში ილიამ ქართულ შეხვედრაში ირაკლი ჯაფარაიძეს მოუგო, ნახევარფინალში კი რუს მეტოქეს სძლია.
აღსანიშნავია, რომ ილიასთვის ეს მსოფლიოს ახაგაზრდულ ჩემპიონატზე მეორე მედალია, გასულ ტურნირზე სპორტმსენი ვიცე-ჩემპიონი გახდა.
4 დღის შემდეგ საქართველოს ნაკრები საერთო ჩათვლაში 3 ოქროს მედლით პირველ ადგილზე იმყოფება.
მძიმე წონაში რამდენიმე წუთში ბრინჯაოს მედლისთვის ირაკლი დემეტრაშვილი და ოქროს მედლისთვის საბა ინანეიშვილი იჭიდავებენ.
