ძიუდოს საერთაშორისო ფედერაციამ თელ-ავივის გრანდ სლემის დასრულების შემდეგ განახლებული რეიტინგი გამოაქვეყნა.
100 კილოგრამ წონით კატეგორიაში მოასპარეზე ილია სულამანიძე 3 საფეხურით დაწინაურდა და რეიტინგში მე-5 ადგილს იკავებს.
ონისე სანებლიძე რეიტინგში 2 საფეხურით დაწინაურდა და მე-16 პოზიციას იკავებს.
სამეულში ადგილი გურამ თუშიშვილმა დაიბრუნდა, ქართველ მძიმეწონოსანს მხოლოდ რაფაელ სილვა და ტამერლან ბაშაევი უსწრებენ.
რეიტინგში 59 საფეხურით ონისე ბუღაძე დაწინაურდა, 32 წლის ქართველი სპორტსმენი ამჟამად 54-ე პოზიციას იკავებს.
57 კილოგრამ წონით კატეგორიაში მოასპარეზე ეთერ ლიპარტელიანი 3614 ქულით რეიტინგში მე-5 პოზიციას იკავებს.
IJF-ის მომდევნო შეჯიბრი თბილისის გრანდ სლემი იქნება, რომელიც 25-27 მარტს გაიმართება.
