ისრაელის ქალაქ თელ-ავივში გამართულ გრანდ სლემზე, ქართველმა ძიუდოისტებმა 3 მედალი მოიპოვეს.
საქართველოს ოქროს მედალი გურამ თუშიშვილმა მოუტანა. IJF მოქმედ ოლიმპიური ვიცე-ჩემპიონზე წერს:
“ფინალში აღმოჩნდნენ ძირითადი საერთაშორისო ღონისძიებების ორი რეგულარული მონაწილე და მედლების მაძიებლები. ერთ მხარეს ბრაზილიელი გიგანტი რაფაელ სილვა, ორჯერ ოლიმპიური მედალოსანი და მსოფლიოს მრავალგზის მედალოსანი. მეორეს მხრივ, ძლიერი და ელვასავით სწრაფი, გასულ წელს ტოკიოს ოლიმპიადის ვიცე-ჩემპიონი, 2018 წლის მსოფლიო ჩემპიონი და ვერცხლის მედალოსანი გურამ თუშიშვილი. თვალსაჩინო იყო ტიტანების შეტაკება.
თუშიშვილმა მეტოქე დაღალა, სილვა მესამედ დაჯარიმდა, გურამმა კი ოქროს მედალი მოიპოვა.“ – წერს IJF.
შეგახსენებთ, რომ გურამთან ერთად ჩემპიონი ილია სულამანიძე გახდა, ვერცხლის მედალი კი ეთერ ლიპარტელიანმა მოიპოვა.
