ისრაელის ქალაქ თელ-ავივში ძიუდოს გრანდ სლემი გაიმართა. აღნიშნულ შეჯიბრებაზე ქართველმა ძიუდოისტებმა წარმატებულად იასპარეზეს.
გურამ თუშიშვილმა და ილია სულამანიძემ ოქროს მედალი მოიპოვეს, ეთერ ლიპარტელიანი კი ტურნირის ვიცე-ჩემპიონი გახდა.
ბუნებრივია სპორტსმენებს შრომა ფულადი ჰონორარით დაუფასდათ.
ილია სულამანიძემ და გურამ თუშიშვილმა 5000-5000 ევრო გამოიმუშავეს. ბუნებრივია IJF მწვრთნელების მუშაობასაც აფასებს და სპეციალისტებს 1000 ევრო ერგოთ.
ეთერ ლიპარტელიანმა ჯამში 3000 ევრო გამოიმუშავა, საიდანაც 2400 მას, 600 კი თავის მწვრთნელს ერგება.
საბოლოო ჯამში საქართველოს ნაკრებმა ორი ოქროს და ერთი ვერცხლის მედლით საერთო გუნდურ ჩათვლაში მე-3 ადგილი დაიკავა.
