ტირასპოლის “შერიფის” უკრაინელმა მთავარმა მწვრთნელმა, იური ვერნიდუბმა მოლდოვური კლუბი დროებით დატოვა, რათა უკრაინაში იბრძოლოს.
ვერნიდუბი და მისი გუნდი ევროპა ლიგის მატჩისთვის პორტუგალიაში იმყოფებოდა, როცა ომის ამბავი გაიგო. ვერნიდუბი პორტუგალიიდან რუმინეთში გაემგზავრა, შემდეგ ტირასპოლში, 27 თებერვლს კი ის უკრაინის ჯარში ჩაირიცხა.
“ჩემი ახლობლები ცდილობდნენ ჩემ შეჩერებას, მაგრამ მე მტკიცედ ვდგავარ და მზად ვარ უკრაინა დავიცვა. მადლობას ვუხდი ჩემს მეუღლეს მხარდაჭერისთვის. ყოველ წუთში მზად ვარ შევასრულო სამხედრო ბრძანება, სადაც გვეტყვიან. ჯერ არ გამომიყენებია ჩემი იარაღი, მაგრამ მზად ვარ, ნებისმიერ დროს”, – აცხადებს უკრაინელი სპეციალისტი.
