მანჩესტერ იუნაიტედის თავდამსხმელის ანტონი მარსიალის მეუღლემ, მელანი მარსიალმა ფეხბურთელების ცოლების ცხოვრების სირთულეებზე ისაუბრა.
„მე მესმის ადამიანების, რომლებსაც ფეხბურთელების ცოლებთან დაკავშირებით სტერეოტიპები აქვთ. თქვენ ფიქრობთ, „ოჰ, ლამაზი მანქანები, ჩანთები”. ეს პირველი სტერეოტიპია, მაგრამ სულაც არ არის სიმართლე. შესაძლოა, ეს აღწერს წელიწადში ერთ თვეს, თვეში მოთამაშეთა დასვენებას, ივნისს, შვებულებას და ამ ყველაფერს. წლის დარჩენილი ნაწილი სულაც არ არის ასეთი.
თქვენ ვერ ხედავთ თქვენს ქმარს, თუ მას აქვს გასვლითი მატჩი. გარდა ამისა, შენ ყველაფერს სწირავ. მაგალითად, ოჯახისგან შორს ვარ, უცხოეთში ვცხოვრობ. რა თქმა უნდა, ეს არის ჩემი არჩევანი, მაგრამ ეს ასევე არის ჩემი მსხვერპლი.
სამწუხაროა, რომ ყველა ქალს ერთნაირად აფასებენ. არ მომწონს ისეთი რამის მოსმენა, როგორიცაა „ის სახლშია, ალბათ ახალი ჩანთა აქვს” და ეს ყველაფერი. ვუშვებ, რომ ისინიც არსებობენ, მაგრამ დანამდვილებით არ ვიცით! ეს მხოლოდ სტერეოტიპია. მხოლოდ იმის გამო, რომ ცოლები არ საუბრობენ თავიანთ ცხოვრებაზე, არ ნიშნავს რომ ისინი არაფერს აკეთებენ”, – განაცხადა მან Konbini-სთან ინტერვიუში.
