ტოკიოს ოლიმპიური თამაშებზე ბრინჯაოს მედლის პრიზიორი, ანტონ პლესნოი სოციალურ ქსელში განცხადებას ავრცელებს და გულშემატკივრებს მხარდაჭერისთვის მადლობას უხდის.
„ოლიმპიური თამაშების ბრინჯაოს მედალი!
მადლობა საქართველო, რომ ჩემთან ხარ და გჯეროდა ჩემი.
მინდა მადლობა გადავუხადო ყველას ვინც მგულშემატკივრობდა, თქვენი თანადგომა ძალიან მნიშვნელოვანი იყო ჩემთვის.
მე ვხვდებოდი, რომ არ მაქვს უფლება მედლის გარეშე დავრბრუნდე იმ ტრავმის მიუხედავად, რომელიც შეჯიბრებამდე 5 დღით ადრე მივიღე.
მადლობა ჩემს მშობლებს, მეუღლეს, ჩემს ახლობლებს, რომლებმაც ჩემთან ერთად გადაიტანეს ყველა სირთულე. მწვრთნელებს გიორგი ასანიძეს, სერგეი ნიკოლაევიჩ რომანოვს, რომლებმაც მთელი გული და სული ჩადეს ჩემს მომზადებაში, მათი ზედამხედველობით ვვარჯიშობდი მთელი პერიოდის განმავლობაში. ექიმებს გიორგი ჭინჭარაულს და ზურა კახაბრიშვილს, რომლებმაც ყველაფერი გააკეთეს იმისათვის, რომ ტრავმამ არ შემიშალოს ხელი გამოსვლაში და მიმკურნალეს მთელი მოსამზადებელი პერიოდის განმავლობაში. უღრმესი მადლობა ფედერაციას და მის ხელმძღვანელს კახი კახიაშვილს, მთელს ჩვენს დიდ გუნდს, რომელიც ზრუნავდა ჩვენს მზადებაზე. ასევე დიდი მადლობა ოლიმპიურ კომიტეტს.“ – წერს საქართველოს სახელით მოასპარეზე უკრაინელი ძალოსანი.
შეგახსენებთ, რომ ამ დროისთვის საქართველოს დელეგაციის ანგარიშზე 6 ოლიმპიური მედალია – 1 ოქრო, 4 ვერცხლი, 1 ბრინჯაო. ოლიმპიური ჩემპიონი ძიუდოისტი ლაშა ბექაური გახდა, ასევე ძიუდოსტებმა – ვაჟა მარგველაშვილმა, ლაშა შავდათუაშვილმა და გურამ თუშიშვილმა ვერცხლის მედლები მოიპოვეს. ვერცხლის მედალია ბერძნულ-რომაული სტილით მოჭიდავე იაკობ ქაჯაიაზეც, ბრინჯაოს მედალს კი ძალოსანი ანტონ პლესნოი დაესაკუთრა.
