საფეხბურთო კლუბი “გაგრა” მონტენეგრულ “სუტიესკასთან” კონფერენცლიგის საკვალიფაკაციო ეტაპზე ასპარეზობას გამოეთიშა. მიხეილ მესხის სტადიონზე გამართული მატჩის შემდეგ, რომელიც 1-1 დასრულდა, ქართული გუნდის მწვრთნელმა გაგა კირკიტაძემ მცირე კომენტარი გააკეთა:
“რთული მატჩი გამოვიდა, დასანანი გოლი გავუშვით და შემდეგ სამწუხაროდ გოლიც გვიან გავიტანეთ. მადლობა მინდა გადავუხადო მაყურებელს, გვერდში დგომისთვის, ამ ბიჭებისთვის ამ დონეზე პირველი თამაში იყო და ბოლომდე დაიხარჯნენ” – განაცხადა კირკიტაძემ
შეგახსენებთ, რომ საფეხბურთო კლუბ “გაგრასთვის” ეს მე-2 გამოსვლა იყო ევროტურნირებზე, ისინი აქამდე 2011 წელს ევროპა ლიგის საკვალიფიკაციო ეტაპზე ასპარეზობდნენ.
