საქართველოს ჩემპიონატის 1-ლი ტურის შეხვედრაში გორის “დილამ” შინ “გაგრა” მიიღო და მინიმალური სხვაობით 2:1 დაამარცხა.
შეხვედრის წინ გუნდებმა უკრაინას მხარი “ჩვენ ვდგავართ უკრაინასთან ერთად” ბანერით დაუჭირეს.
მალევე, შეხვედრის მე-8 წუთზე თორნიკე კაპანაძემ მასპინძლები დააწინაურა, მატჩის 26-ე წუთზე ნიკა გაგნიძემ სხვაობა 2-მდე გაზარდა.
მეორე ტაიმში, შეხვედრის 72-ე წუთზე სტუმრებმა სხვაობა მინიმუმამდე დაიყვანეს, თუმცა დიდი მონდომების მიხუედავად გაგა კირკიტაძის გუნდმა ქულის მოპოვება ვერ მოახერხა.
ანდრეი დემჩენკოს გუნდი მომდევნო შეხვედრას ქუთაისის “ტორპედოს” წინააღმდეგ ჩაატარებს, “გაგრა” კი თბილისის “საბურთალოს” დაუპირისპირდება.
