ლაციო-ს პრეზიდენტმა კლაუდიო ლოტიტომ, მთავარ მწვრთნელის სიმონე ინზაგის კლუბიდან წასვლის გადაწყვეტილებასთან დაკავშირებით, კომენტარი გააკეთა.
„იმედგაცრუებული ვარ. გადაწყვეტილების შესახებ მან გვიან ღამით მაცნობა. ახალი კონტრაქტი მას მაგიდაზე ედო და მხოლოდ მისი ხელმოწერა აკლდა, თუმცა მან ამის გაკეთება აღარ ისურვა.
შვიდი საათი ერთად გავატარეთ, შევთანხმდით, ხელი ჩამოვართვით. მეორე დილით მან დამირეკა, ჩვენ შევხვდით და მან მითხრა, რომ მას სტიმული აღარ აქვს, გუნდის სწორად მართვას ვეღარ შეძლებს.
როდესაც ვინმე ამას გეუბნება, ფიქრობ თუ არა ამ ადამიანთან მუშაობის გაგრძელების შესახებ? რა თქმა უნდა, წუხელ რომ გამეგო ეს, ჩემს ხელმოწერასთან კონტრაქტს არ მოვამზადებდი”, – თქვა ლოტიტომ.
