ცნობილია საპრიზო თანხის ოდენობა, რომელსაც კლუბები 2021/22 წლების სეზონში ჩემპიონთა ლიგაში მონაწილეობისთვის მიიღებენ.
L’Equipe-ის ინფორმაციით, ჯამური საპრიზო თანხა 2.032 მილიარდი ევრო იქნება.
ნებისმიერი გუნდი, რომელიც ტურნირის ჯგუფურ ეტაპზე შევა, 15,64 მილიონ ევროს მიიღებს – 390 ათასით მეტს, ვიდრე ამ სეზონში.
ჯგუფურ ეტაპზე თითოეული გამარჯვება 2.8 მილიონი ევროთი (100 ათასით მეტი ამ სეზონზე) დაჯილდოვდება, ფრე კი 930 ათას ევროს (+30 ათასი ევრო) მოიტანს.
ჩემპიონთა ლიგის 1/8 ფინალში გასვლა გუნდებს 9.6 მილიონი ევრო (+100 ათასი ევრო) მოუტანს, 1/4 ფინალი – 10.6 მილიონი ევრო (+100 ათასი ევრო), ნახევარფინალი – 12.5 მილიონი ევრო (+500 ათასი ევრო) ), ფინალი – 15,5 მილიონი ევრო (+500 ათასი ევრო).
ტურნირის გამარჯვებული დამატებით 20 მილიონ ევროს (ამ სეზონში 19 მილიონი) მიიღებს.
L’Equipe-მა ასევე ცნობილი გახადა ევროპა ლიგისა და მომავალ სეზონში დამატებული ახალი ტურნირის კონფერენც ლიგის საპრიზო თანხის რაოდენობაც.
ევროპის ლიგის მთლიანი საპრიზო ფონდი 465 მილიონი ევრო იქნება, ამ სეზონის 510 ნაცვლად. თუმცა უნდა აღინიშნოს, რომ კლუბებს უფრო მეტის შოვნის საშუალება ექნებათ, რადგან მონაწილეთა რაოდენობა შემცირებულია. ხოლო კონფერენც ლიგის საპრიზო ფონდი 235 მილიონი ევროა.
ევროპა ლიგის ჯგუფურ ეტაპზე გასვლისთვის გუნდები 3,63 მილიონ ევროს მიიღებენ, ანალოგიური შედეგისთვის კონფერენც ლიგაში – 2,94 მილიონი ევრო.
ჯგუფურ ეტაპზე გამარჯვება გუნდებს 630 ათასი ევრო მოუტანს, ფრე – 210 ათასი ევროს; კონფერენც ლიგაში – მოგებისთვის 500 ათასი, ფრეზე 166.
პირველი ადგილი ევროპა ლიგის ჯგუფში მიიღებს 1,1 მილიონ ევროს. კონფერენც ლიგის ჯგუფში 1 ადგილისთვის 650 ათასი ევროს, მეორისთვის – 325 ათასს.
