ფეხბურთის და განსაკუთრებით „ატლეტიკოს“ ქომაგებს ეცოდინებათ, რომ მადრიდელებმა დიეგო კოშტასთან თანამშრომლობა 29 დეკემბერს შეწყვიტეს. „როხიბლანკომ“, 32 წლის ვეტერან ფორვართთან საქმის დაჭერა აღარ ისურვეს და მას ურთიერთშეთანხმების საფუძველზე დაშორდნენ.
დიეგო კოშტას კი კარიერის გაგრძელება ჩინეთში, ყატარში, ამერიკის შეერთებულ შტატებში, იაპონიაში ან მსგავსი ტიპი ჩემპიონატებში არ სურს და ბურთაობა ისევ ევროპაში გადაუწყვეტია.
როგორც უცხოური მედია ამტკიცებს, დიეგო კოშტას გადაბირება პრემიერლიგის „ვულვერჰემპტონს“ მოუწადინებია. „ვულვზის“ მთავარ მწვრთელს ნუნუ ეშპირიტუ სანტუშს კოშტა ტრავმირებული რაულ ხიმენესის იდეალურ შემცვლელას მიაჩნია. კოშტას „ვულვზვში“ გადასვლა კი შესაძლოა იმ გარემოებამაც დააჩქაროს, რომ ფეხბურთელის აგენტი ჟორჟე მენდეშია, რომელიც პრემიერლიგის ამ გუნდთან თანამშრომლობს.
„ატლეტიკოდან“ წამოსვლის შემდეგ ისიც ითქვა, რომ დიეგო კოშტას სამსახური ლონდონის „არსენალს“ და ტუნირის „იუვენტუსს“ სურდა, მაგრამ როგორც ჩანს ფეხბურთელი „ვულვერჰემპტონში“ აღმოჩნდება.
