ხვიჩა კვარაცხელიამ რუსეთში უიღბლო მატჩი ჩაატარა. რუსეთის პრემიერ ლიგის მე-10 ტურის შეხვედრაში ყაზანის “რუბინმა” შინ “ნიჟნი ნოვგოროდი” მიიღო და მინიმალური სხვაობით 0:1 დამარცხდა.
აღნიშნულ შეხვედრაში საქართველოს 20 წლის ტალანტმა მოედანზე დაახლოებით 65 წუთი გაატარა. ხვიჩამ შეხვედრა სათადარიგოთა სკამზე დაიწყო და მატჩის 28-ე წუთზე დაზარალებული თანაგუნდელი ილია სამოშნიკი შეცვალა, შეხვედრის 50-ე წუთზე კი სამწუხაროდ თავისივე მოპოვებული პენალტი ვერ გამოიყენა.
ყაზანის “რუბინი” მომდევნო მატჩს 16 ოქტომბერს მოსკოვის “ლოკომოტივის” წინააღმდეგ გამართავს. ხვიჩა კვარაცხელია კი ოქტომბრის სანაკრებო პაუზაზე საქართველოს ნაკრებს შეუერთდება და მოახლოებული მატჩებისთვის მოემზადება.
