საქართველოს ნაკრებისა და ყაზანის „რუბინის“ შემტევი, ხვიჩა კვარაცხელია საფეხბურთო კლუბს და აკადემიას, „უქიმერიონს“ ფინანსურად დაეხმარება. ამის შესახებ ინფორმაცია კლუბის Facebook-გვერდზე ვრცელდება.
„იცანით ხო ფოტოზე ვინც არის? კი, ნამდვილად ჩვენი კვარაა…
მოგეხსენებათ, ჩვენი აკადემია რამდენიმე თვეა ფინანსურ კრიზის ებრძვის, ძალიან ბევრმა კომპანიამ უარი გვითხრა დახმარებაზე და ძალიან ბევრმაც საერთოდ არ იკადრა ჩვენი მოსმენა.
გუშინ, კი ჩვენს ინსტაგრამ გვერდზე თავისი ინიციატივით, დაგვიკავშირდა ყველასთვის საყვარელი ქართველი ფეხბურთელი ხვიჩა კვარაცხელია, რომელმაც ძალიან პოზიტიურად შეაფასა ჩვენი საქმიანობა და სრული მხარდაჭერა გამოგვიცხადა.
ძალიან ბედნიერები ვართ ამ ფაქტით. ხვიჩას მთელი უქიმერიონის სახელით უდიდეს მადლობას ვუხდით და უდიდეს წარმატებებს ვუსურვებთ.
ვიმედოვნებთ, მისი ძალიან ღირსეული და დასაფასებელი საქციელი, სხვა ქართველი ფეხბურთელებისთვისაც სამაგალითო იქნება.
სიკეთე არ იკარგება
Khvicha Kvaratskhelia“, – ნათქვამია განცხადებაში.
