ხვიჩა კვარაცხელიამ რუსეთის პრემიერლიგის მე-2 ტურის მატჩში ტულის “არსენალთან” სტუმართ გამართულ შეხვედრაში საჯარიმოს გარედან “ცხრიანში” ზუსტი დარტყმით შეაგდო და გუნდს გამარჯვებაში დაეხმარა.
WhoScored-მა და რამდენიმე სპორტულმა გამოცემამ ხვიჩა რუსეთის პრემიერლიგის მე-2 ტურის სიმბოლურ ნაკრებში დაასახელა, “რუბინის” გულშემატკივრებმა კი ის მატჩის საუკეთესო მოთამაშედ აღიარეს.
“გვერდს ვერ ავუვლით იმას, თუ როგორ ფაქიზად უმკლავდება ხვიჩა მეტოქეებს. მის წინააღმდეგ თამაშისას კინაღამ წითელი ბარათიც მიიღეს. მან გააკეთა გადაცემა, რის შემდეგაც დესპოტოვიჩმა პენალტი მოიპოვა. ბოლოს ქართველმა საჯარიმოს გარედან ლამაზი მოჭრილი დარტყმით შეაგდო. ბრწყინვალე ფეხბურთი აჩვენა, მისი რუსეთის ჩემპიონატში შენარჩუნება რთული იქნება”, – წერს soccer.ru.
კვარაცხელიამ 69-ე წუთამდე ითამაშა. “რუბინის” გულშემატკივრებმა მატჩის საუკეთესო ფეხბურთელად ხვიჩა დაასახელეს, რომელმაც ხმათა 44% მიიღო.
