მადრიდის „რეალს“ დავიდ ალაბას შეძენა მოუწადინებია. სამეფო გუნდის ხელმძღვანელობა ავსტრიელ ფეხბურთელს სერხიო რამოსის შემცვლელად განიხილავს. რამოსი „რეალის“ თილისმაა და ამაში ორი აზრი არ არსებობს, აი რამდენად შეძლებს მადრიდული გუნდის ქომაგი ალაბას იგივენაირად შეყვარებას ძნელი სათქმელია.
თუმცა ჯერ ტრანსფერი უნდა შედგეს, რომელიც 2021 წლის ზაფხულამდე ვერ მოხერხდება. ალაბას მიუნხენის „ბაიერნთან“ კონტრაქტი გაისად ეწურება, ასევე 30 ივნიისს უმთავრდება „რეალთან“ ხელშეკრულება რამოსსაც.
შეთანხმების შემთხვევაში „რეალი“ 28 წლის ავსტრიელს ხელში მუქთად ჩაიგდებს, რადგან ალაბა თავისუფალი აგენტი ხდება, თუმცა საქმე მხოლოდ ამაში არ არის. ალაბას წელიწადში ხელფასის სახით 12 მილიონი ევრო სურს, რაზეც „რეალის“ ბოსები ჭოჭმანობენ.
დავიდ ალაბას ხელში ჩაგდებით ასევე დაინტერესებულნი არიან მანჩესტერული გრანდებიც – „სიტი“ და „იუნაიტედი“. არც ის არის გამორიცხული, ავსტრიელი კვლავ მიუნხენში დარჩეს თუ რეკორდმაისტერი ფეხბურთელის მოთხოვნას დააკმაყოფილებს და ხელფასს გაუზრდის.
