ხაშურში სტადიონის მშენებლობა სრულდება – როგორი იქნება ივერიის განახლებული სტადიონი (ფოტოები)

ხაშურის „ივერიის“ სტადიონის მშენებლობა დასრულების სტადიაზეა.

დღეს სამუშაოების მიმდინარეობას ხაშურის მუნიციპალიტეტის მერი თენგიზ ჩიტიაშვილი და მუნიციპალიტეტის საკრებულოს თავჯდომარის მოადგილეები ადგილზე გაეცნენ.

პროექტის ფარგლებში უკვე მოწყობილია ხელოვნურსაფარიანი მოედანი მაღალი სტანდარტის სპორტული განათებით და სარწყავი სისტემით. სრულდება ტრიბუნებზე სკამების დამონტაჟება, მოწყობილია ღია ავტოსადგომი. დასასრულს უახლოვდება საშხაპეების მოწყობა, უკვე დაწყებულია ავეჯის და საჭირო ტექნიკის შესყიდვის პროცედურები.

ხაშურის „ივერიის“ სტადიონის მშენებლობა საქართველოს მუნიციპალური განვითარების ფონდის, ხაშურის მუნიციპალიტეტის და მსოფლიო ბანკის მხარდაჭერით ხორციელდება. სამუშაოების ღირებულება 6 მილიონ ლარს აღემატება.