ხაშურში, ცენტრალური “ივერიის” სტადიონის რეაბილიტაცია დასასრულს უახლოვდება. ამ ეტაპზე, ტრიბუნაზე სკამების მონტაჟი მიმდინარეობს. ტრიბუნა ლურჯ ფერში იქნება. თეთრი ფერით, კი წარწერა “ივერია” იქნება გამოსახული.
ხაშურის სტადიონის რეაბილიტაციის პროექტი მსოფლიო ბანკის დაფინანსებით მიმდინარეობს და მისი ღირებულება 6 183 407 ლარს შეადგენს.
პროექტის ფარგლებში, მოეწყო ხელოვნურსაფარიანი მოედანი, რკინა-ბეტონის კონსტრუქციები და სტადიონის შიდა განათება. ფილებით მოპირკეთდა სტადიონის გარშემო, საფეხმავლო ბილიკები, დამონტაჟდა ელექტროტაბლო, გარე პერიმეტრზე განათებები, განხორციელდა ტრიბუნაზე შიდა კომუნიკაციებისა და ვენტილაციის სისტემების გამართვა.
თანამედროვე სტანდარტებით მოწყობილი სტადიონი, ხელს შეუწყობს ხაშურის მუნიციპალიტეტში პროფესიული სპორტის განვითარებას და ჯანსაღი ცხოვრების წესის პოპულარიზაციას.
