ავტორიტეტულ გამოცემა LE FIGARO-სთან გაკეთებულ განცხადებაში, საფრანგეთის ფეხბურთის ფედერაციის პრეზიდენტი მიშელ მულინი აცხადებს, რომ გამარჯვების შემთხვევაში, მისი ერთ-ერთი მთავარი მიზანი, ნაკრებში კარიმ ბენზემას დაბრუნება იქნება.
რეალ მადრიდის თავდამსხმელს და ევროპული საკლუბო ფეხბურთის გამორჩეულ ფეხბურთელს კარიმ ბენზემას, საფრანგეთის ნაკრებში 5 წელია არ უთამაშია.
კარიმი ბრწყინვალე თავდამსხმელია, ხოლო დიდიე დეშამი საფრანგეთის ფეხბურთის ფედერაციის თანამშრომელი. თუ მას ეტყვიან, რომ ბენზემა უნდა ათამაშოს, ის კარიმს ათამაშებს.
ცხადია, ფეხბურთელებს მთავარი მწვრთნელი იძახებს , მაგრამ როდესაც მენეჯმენტზე ვსაუბრობთ, პრეზიდენტის საქმეა დეშამსა და ბენზემას შორის მშვიდობა დაამყაროს.
ჩვენ არ შეგვიძლია უარი ვთქვათ იმ ბიჭზე, რომელიც ალბათ საფრანგეთში საუკეთესო შემტევია. ფედერაციის პრეზიდენტი ამ ტიპის ღონისძიებებში ჩართული უნდა იყოს, – განაცხადა მულინმა.
შეგახსენებთ, რომ ქარიმ ბენზემა საფრანგეთის ნაკრებიდან მატიე ვალბუენას ინტიმური ვიდეობით შანტაჟის გამო მოკვეთეს. მან 81 სანაკრებო მატჩში 27 გოლი გაიტანა.
