ლეგენდარული იტალიელი ფეხბურთელი, პაოლო როსი 64 წლის ასაკში გარდაიცვალა. 1982 წლის მუნდიალის ერთ-ერთი გამორჩეული ფიგურა და ჩემპიონი რამდენიმე წლის განმავლობაში მძიმე სენს ებრძოდა.
პაოლო როსის, 1982 წლის მუნდიალზე იტალიის გაჩემპიონებაში ლომის წვლილი მიუძღვის. მან ტურნირზე საერთო ჯამში 6 გოლი გაიტანა და გათამაშების საუკეთესო ფეხბურთელის წოდებაც მოიპოვა. წლის ბოლოს მას შრომა დაუფასდა და დამსახურებულად „ოქროს ბურთითაც“ დაჯილდოვდა.
სხვადასხვა წლების განმავლობაში ის კომოს, „ვიჩენცას“, „პერუჯას“, „იუვენტუსის“, „მილანისა“ და „ვერონას“ ღირსებას იცავდა. მუნდიალთან ერთად, მას რამდენჯერმე აქვს მოგებული იტალიის სერია A და ჩემპიონთა თასი.
