რაგბში, მსოფლიოს 20 წლამდე ჩემპიონატი ისევ ჩაიშალა. ტურნირი ამ ზაფხულს იტალიაში უნდა გამართულიყო, თუმცა როგორც ავტორიტეტული გამოცემები გვამცნობენ, ჩემპიონატი აღარ გაიმართება.
American Rugby News საკმაოდ ცნობილი და პოპულარული სააგენტოა, რომელსაც რაგბის თემაზე გავრცელებული ინფორმაციები თვალდახუჭული დაეჯერება.
შეგახსენებთ, რაგბში 20 წლამდე მსოფლიო ჩემპიონატი უკვე მეორედ გაუქმდა. პირველად, შარშან პანდემიის გამო, მიზეზი ამჯერადაც იგივეა. ეს მნიშვნელოვანი შეჯიბრი, 2022 წლისთვის გადაიდო.
პლანეტის საუკეთესოთა შორის საქართველოს ნაკრებიც იყო. ტურნირზე უმცროს ბორჯღალოსნებსაც უნდა ეთამაშათ. საქართველოს 20 წლამდე ნაკრებს ჯგუფში ახალი ზელანდიის, ავსტრალიის და უელსის ნაკრებებთან უნდა ეთამაშა. ახალგაზრდა ქართველი მორაგბეებისთვის ეს ზედიზედ მეხუთე მსოფლიო თასი იქნებოდა.
