11 ნოემბერს, საქართველოს ფეხბურთელთა ეროვნული ნაკრები მსოფლიო ჩემპიონატის საკვალიფიკაციო ეტაპზე დასკვნით შეხვედრას გამართავს. ვილი სანიოლის გუნდი ბათუმი არენაზე შვედეთის ნაკრებს დაუპირისპირდებიან.
დღეს, ჩვენი გუნდის ფრანგმა მთავარმა მწვრთნელმა სასტუმრო შერატონში სპეციალური პრესკონფერენცია გამართა და ჟურნალისტების კითხვებს ამომწურავად უპასუხა.
სანიოლმა ერთ საინტერესო საკითხზე გაამახვილა ყურადღება და იმედი გამოთქვა, რომ უახლოეს მომავალში ტოპჩემპიონატებში უფრო ბევრი ქართველი ითამაშებს.
„ხანდახან მნიშვნელოვანია, განვსაზღვროთ, რა განსხვავებაა ფაქტებსა და ემოციებს შორის. ეს არის ფაქტი, რომელიც არ შეცვლილა და არ მინდა, ამაზე ბევრი ვისაუბრო. იმედი მაქვს, რომ მომავალში, ჩვენი საერთო სულისკვეთებით, უფრო მეტი მეტი ფეხბურთელი ითამაშებს ტოპჩემპიონატებში. ვიმედოვნებ, რომ მალე რამდენიმე ფეხბურთელი იქნება “ორთქლმავალი”, რომელიც მთელ გუნდს გაუძღვება. ახლა ჩვენი მიზანია, რომ ნებისმიერ მატჩში 90 წუთი ვიბრძოლოთ, როგორც ეს იყო კოსოვოსთან. არ ვიცი, მოვიგებთ თუ არა შვედეთთან, მაგრამ მიმაჩნია, რომ უნდა იყოს ბრძოლა, მონდომება და ჟინი, რომელიც დავინახეთ კოსოვოსთან შეხვედრაში“, – განაცხადა ფრანგმა სპეციალისტმა.
