ეკატერინე გორგოძემ და ოქსანა კალაშნიკოვამ პოლონეთში მიმდინარე ტურნირზე მორიგი მატჩი მოიგეს. ქართველმა ჩოგბურთელებმა მეოთხედფინალურ მატჩში ბელარუსები დაამარცხეს.
ქართულმა დუეტმა ალიაქსანდრა სასნოვიჩთან და ოლგა გოვორცოვასთან მატჩის პირველი სეტი ტაიბრეიკზე 7:6 (7:4) მოიგეს, ხოლო მეორე სეტში მეტოქეებს მარტივად 6:2 სძლიეს და ნახევარფინალში გავიდნენ.
გორგოძე და კალაშნიკოვა პოლონური ტურნირის ნახევარფინალში უკრაინელი კატერინა ბონდარენკოსა და პოლონელი კატერზინა პიტერის წყვილს შეხვდებიან. შეგახსენებთ, რომ ეკატერინე გორგოძე ერთეულთა თანრიგშიც ასპარეზობს და მეოთხედფინალში სლოვაკ კრისტინა კუცოვას შეხვდება.
