საფრანგეთის დედაქალაქ პარიზში მიმდინარე ძიუდოისტთა ჩემპიონთა ლიგაზე “გოლდენ გორმა” ბერძნული “არისი” 3:2 დაამარცხა და ნახევარფინალში გავიდა.
გელა ზაალიშვილმა და ვაჟა მარგველაშვილმა სამწუხაროდ თავიანთი შეხვედრები დათმეს. ლაშა შავდათუაშვილმა, ვლადიმირ ახალკაცმა და ლუკა მაისურაძემ კი თავიანთ შეხვედრებში იმარჯვეს და ქართული გუნდი ნახევარფინალში გაიყვანეს.
ამ შეჯიბრის პარალელურად, ჩეხეთის დედაქალაქ პრაღაში ევროპის ლიგა იმართება, სადაც ქართული “მებრძოლი” ასპარეზობას რეპეშაჟში განაგრძობს.
“გოლდენ გორის” მეტოქე ნახევარფინალურ შეხვედრაში სერბული “რედ სტარ ბელგრადი” იქნება.
