გლადბახი ხვიჩა კვარაცხელიას გადაბირებას ცდილობს

Sky-ის ინფორმაციით, “გლადბახი” ქართველ ამომავალ ვარსკვლავს, ხვიჩა კვარაცხელიას გერმანიაში იწვევს.

როგორც ცნობილია, კლუბის სპორტული დირექტორი, მაქს ელბერლი ამჟამად ყაზანის “რუბინში” მოთამაშე ფეხბურთელთან მოლაპარაკებებს აწარმოებს.

ხვიჩას გარდა, ბუნდესლიგაზე მოთამაშე გუნდი კიდევ ერთი ახალგაზრდა გარემარბის, რომან ფავრეს გადაბირებასაც შეეცდება.

ზემოხსენებული საიტი ხვიჩას მოიხსენიებს, როგორც თავის ასაკთან შედარებით, ერთ-ერთ ყველაზე იმედისმომცემ ფეხბურთელს, რომელსაც თამაში ორივე ფლანგზე შეუძლია.

ცოტა ხნის წინ “რუბინის” დირექტორმა კვარაცხელიას ტრანსფერთან დაკავშირებით შემდეგი რამ თქვა:

,,რატომ არ გავყიდეთ აქამდე ხვიჩა? კვარაცხელიასთან დაკავშირებული მთელი ამბავი ბევრად ადრე, ჯერ კიდევ მაისში დაიწყო, როცა ევროპაში სატრანსფერო ფანჯარა გახსნილი არ იყო. ეს დიდი ფეხბურთელია. ასეთი გარიგებისთვის კი ცაში ვარსკვლავები სწორად უნდა განლაგდნენ.

ხვიჩათი საკმარისად ბევრი გუნდი ინტერესდება. ჩვენ ძალიან დიდი კლუბებისგან 3.5 ოფიციალური შემოთავაზება გვაქვს. ერთი მხრივ, შესაძლოა, კარგია, რომ ის ჯერ არ გაგვიყიდია. ალბათ, კვარაცხელია რუსეთის პრემიერლიგას ჩვენთან ერთად დაიწყებს. ევროპის ჩემპიონატი ახლახან დასრულდა, მოითმინეთ,”