UFC-ის ქართველმა მებრძოლი, გიგა ჭიკაძე თბილისის დროით 16 იანვარს, ოქტაგონზე კელვინ კატარს დაუპირისპირდება.
ქართველმა სპორტსმენმა დღეს პრესკონფერენციაზე მედიის წარმომადგენლების დასმულ შეკითხვებს უპასუხა:
– ყველას გვინახავს, თუ როგორ მეგობრობთ ქართველი მებრძოლები, როგორ ქომაგობთ ერთმანეთს. თქვენ შორის შეჯიბრი ხომ არ არის, რომელი გახდებით ჩემპიონი უფრო ადრე?
– რა თქმა უნდა. ეს საკმაოდ ჯანსაღი გამოწვევაა. მოხარული ვიქნები, თუ მერაბ დვალიშვილი მალე სატიტულო ბრძოლას მიიღებს, მაგრამ ახლა ჩემპიონი მისი მეგობარია და საჯაროდ განაცხადა, რომ სტერლინგის წინააღმდეგ არ იბრძოლებს. არის შანსი, რომ ტიტულისთვის მე ვიბრძოლო. ვნახოთ, რა მოხდება, თუმცა მგონია, რომ ეს მოტივაცია ორივე ჩვენგანს აქვს. თანაც, ჩვენ გარდა, UFC-ში კიდევ რამდენიმე ქართველი მებრძოლია და ეს ძალზედ მახარებს.
საქართველო პატარა ქვეყანაა, ჩვენ გენეტიკით მებრძოლი ერი ვართ, შესაძლოა, ისტორიის განმავლობაში ყველაზე მეტი ომი ჩვენს ქვეყანას ჰქონია. ამის მიუხედავად, მაინც საკუთარი ტერიტორია გვაქვს. არადა ჩვენი მიწა სტრატეგიულად უმნიშვნელოვანესია და მისი ხელში ჩაგდება არაერთ ქვეყანას სურდა, თუმცა დღემდე ეს ვერავინ მოახერხა. ვამაყობ, რომ ქართველი ვარ. ჩვენ გზა სხვა ბიჭებს გავუხსენით და UFC-ში ახალი, ძლიერი ქართველი მებრძოლები მოდიან. სპორტის ამ სახეობაში ქართველებს საქმე კარგად მიგვდის. იმედი მაქვს, ერთ დღესაც ყველას საქართველოში წაგიყვანთ. მინდა, ბრძოლის ღამე ჩემს სამშობლოში ჩატარდეს.
– შენ და ილია 100%-იანი მაჩვენებლით იგებთ. არსებობს პოტენციური სცენარი, რომლის მიხედვითაც, თქვენ, შესაძლოა, ოქტაგონზე ერთმანეთის წინააღმდეგ გიხილოთ?
– არა ასე არ ვფიქრობ. არ ვფიქრობ, რომ ქართველმა მებრძოლებმა შეიძლება ერთმანეთის წინააღმდეგ იჩხუბონ, შანსი არა არის.
