საფეხბურთო აკადემია – “უქიმერიონი თბილისი” 4-დან 12-წლამდე უკრაინელ ლტოლვილ ბავშვებს მიიღებს.
ინფორმაციას თბილისური კლუბი სოციალურ ქსელში ადასტურებს.
“ჩვენო გულშემატკივრებო, მეგობრებო, ნაცნობებო მოგმართავთ ყველას!
“უქიმერიონი თბილისი” მზად არის ჩვენს რიგებში მიიღოს 4-დან 12-წლამდე უკრაინელი ლტოლვილი ბავშვები, გოგონებიც და ბიჭებიც, რათა ამ მძიმე ჟამს ოდნავ მაინც გავუფერადოთ დღეები.
ძალიან გთხოვთ, გაავრცელეთ ყველამ, თუ ვინმეს გაქვთ წვდომა უკრაინელ ლტოლვილებთან, ან გაქვთ რამე ინფორმაცია ძალიან გთხოვთ დაგვიკავშირდით”, – წერია “უქიმერიონის” განცხადებაში.
