ბერძნულ-რომაული სტილით ჭიდაობაში ევროპის ჩემპიონობის შემდეგ შმაგი ბოლქვაძემ პირველი კომენტარი გააკეთა და თავისი გამოსვლა შეაფასა.
ახალგაზრდა მოჭიდავის კომენტარს ჭიდაობის ფედერაციის პრესსამსახური ავრცელებს.
„მინდა ყველას დიდი მადლობა გადავუხადო. ძალიან გახარებული ვარ დღევანდელი დღით. ყველაფერი გავაკეთე, რომ ევროპის ჩემპიონობა მომეპოვებინა და ეს გამომივიდა. პირველ რიგში მინდა დიდი მადლობა გადავუხადო სამწვრთნელო შტაბს, მათ დიდი წვლილი შეიტანეს ჩემს წარმატებაში. ასევე, ამ წარმატებას ვულოცავ მთელ საქართველოს. ბიჭებსაც მივულოცავ იმ შედეგს, რომელსაც ტურნირზე მიაღწიეს. შევეცდებით, რომ შემდეგ ჩემპიონატებზე უკეთესი შედეგი ვაჩვენოთ“, – განაცხადა შმაგი ბოლქვაძემ.
შეგახსენებთ, რომ 72 კგ წონით კატეგორიაში ბოლქვაძემ სომეხი მალხას ამოიანი დამაჯერებლად, 4:1 დაამარცხა და ოქროს მედალს დაეუფლა.
