„მანჩესტერ იუნაიტედი“ ამ ზაფხულს სატრანსფერო ბაზარზე დიდ აქტიურობას გეგმავს. სულშერის გუნდს სურს მარჯვენა ფლანგი გააძლიეროს, რადგან თვლიან, რომ ამ ეტაპზე კლუბში ეს რგოლი ყველაზე სუსტია.
ინგლისური მედიის ცნობით, „მანჩესტერ იუნაიტედს“ თვალი პედრუ გონსალვესზე აქვს დადგმული, რომელიც ამჟამად „სპორტინგში“ თამაშობს და პორტუგალიის ჩემპიონატის საუკეთესო ბომბარდირია.
„წითელი ეშმაკების“ ბოსები მიიჩნევენ, რომ 22 წლის პორტუგალიელ ფეხბურთელს გაცილებით იაფად ჩაიგდებენ ხელში, ვიდრე ჯეიდონ სანჩოს, რომელიც ამჟამად დორტმუნდში თამაშობს. სულშერს და მის სამწვრთნელო შტაბს მიაჩნია, რომ ეფექტი იგივე იქნება.
Transfermarket-ზე პედრუ გონსალვესი 15 მილიონ ევროდ არის შეფასებული, მაგრამ „სპორტინგი“ თავის ლიდერთან ასე იაფად და მარტივად შელევას არ აპირებს. პორტუგალიური გუნდი მინიმუმ 60 მილიონ ევროს ითხოვს.
