ქალთა შორის მსოფლიოს პირველმა ჩოგანმა, ეშლი ბარტიმ შტუდგარტში გაინავარდა და უპრესტიჟულესი, 500-იანი კატეგორიის ტურნირის ჩემპიონიც სრულიად დამსახურებულად გახდა.
ავსტრალიელმა მეჩოგნემ ფინალში ალინა საბალენკას გადაურბინა და უმარტივესად – 6:3, 6:0 მოუგო. ანგარიშიდანაც ნათლად ჩანს, რომ ბარტის უპირატესობა ბელარუს მოწინააღმდეგესთან აშკარა იყო.
შტუდგარტში ჩემპიონობით ეშლი ბარტი გახდა პირველი ჩოგბურთელი, რომელმაც 2021 წლის სეზონში უკვე 3 ტიტულის მოხვეჭა შეძლო. მანამდე მან მელბურნში და მაიამის მასტერსზე იჩემპიონა.
აქვე ისიც დავძინოთ, რომ ეს გამარჯვება ეშლი ბარტისთვის კარიერაში მე-11 ტიტულის მომტანი აღმოჩნდა, ხოლო გრუნტის საფარზე ავსტრალიელმა მეორე ტურნირი მოიგო.
