გაგიკვირდებათ და შოტლანდიელმა ჩოგბურთელმა, რომელიც ახლო წარსულში დიდ სამეულს სერიოზულ კონკურენციას უწევდა და მეიჯორების სამგზის ჩემპიონიც არის, ATP-ის ეგიდით გამართულ ტურნირზე 6 თვის შემდეგ პირველად მოიგო.
ეს, როტედრამში დაწყებულ პრესტიჟულ შეჯიბრზე მოხდა, სადაც ენდი მარიმ, მართალია წვალებით, მაგრამ ჰოლანდიელი რობინ ჰაასე სამ სეტში დაამარცხა.
მატჩის შემდეგ, მსოფლიოს ყოფილმა პირველმა ჩოგანმა მედიას გული გადაუშალა და გაუმხილა, რომ ხშირად აკრიტიკებენ.
„ვცდილობ ყველას და უპირველესად ჩემს ქომაგებს ისევ დავუმტკიცო, რომ ენდი მარის კორტზე ყოფნა და თამაში კვლავ შეუძლია. არ დაგიმალავთ და ხშირად მეუბნებიან, რომ ძველ კონდიციებს ვეღარასოდეს დავიბრუნებ, ის ენდი აღარ ვიქნები, რომ დავბერდი და უმჯობესია კარიერა დავასრულო. ყოველივე ეს თავიდან კი მაბრაზებდა, მაგრამ ახლა ორმაგ მოტივაციას მაძლევს“ – აღნიშნა ენდი მარიმ.
შოტლანდიელი მეჩოგნის მეტოქე როტერდამის 500-იანი კატეგორიის ტურნირის მეორე წრეში დიდი ალბათობით რუსი ანდრეი რუბლევი იქნება.
