29 წლის ქართველმა ჩოგბურთელმა ეკატერინე გორგოძემ წყვილთა თანრიგში ვალენსიას საერთაშორისო ტურნირი მოიგო.
ვალენსიოს საერთაშორისო ტურნირი, რომლის საპრიზო ფონდიც 80 ათასი დოლარი იყო, გორგოძე ბელგიელ ისალინ ბონავენტურესთან ერთად გავიდა და 4 გამარჯვება იზეიმა.
გორგოძესა და ბონავენტურეს ფინალში 3 სეტის თამაში დასჭირდათ და ესპანელი ანხელა ფიტა ბოლუდა და რუსი ოკსანა სელეხმეტევა – 6:2, 2:6, 10:6 დაამარცხეს.
ეკატერინე გორგოძეს 932 ქულით WTA-ს წყვილთა რეიტინგში 114-ე ადგილი უკავია, დღევანდელი წარმატების შემდეგ კი, კლასიფიკაციაში კიდევ უფრო დაწინაურდება.
