ქალთა შორის, საქართველოს პირველმა ჩოგანმა ეკატერინე გორგოძემ 2020 წელი მაჟორულ ნოტაზე დაასრულა. ჩვენებურმა კარიერაში მეექვსე ტიტული მოიგო, რომელთაგან 3 ერთეულთა თანრიგში, ამდენივე კი წყვილებში დაისაკუთრა.
29 წლის გორგოძემ, ამჯერად დუბაის 100 ათასიან ტურნირზე იყოჩაღა, თუმცა ამაში მას მეწყვილე ანკიტა რაინაც დაეხმარა. ჩვენებური მეჩოგნე, დუბაის კორტებზე, სწორედ, ინდოელ ჩოგბურთელთან დუეტში თამაშობდა და როგორც აღმოჩნდა წარმატებითაც.
ფინალში, გორგოძე-ანკიტას წყვილმა, საკმაოდ ძლიერი მოწინააღმდეგეები დაამარცხეს. მათ კაია იუვანის (სლოვენია) და ალიონა ბოლშოვას (ესპანეთი) დრამატულ ბრძოლაში – 6:4, 3:6, 10:6 აჯობეს.
2020 წელს, გორგოძესთვის ეს პირველი მოგებული ტურნირი გამოდგა, ისე კი როგორც ავღნიშნეთ 6 ტიტულით იწონებს თავს. ერთელთა თანრიგში ქართველმა ჩოგბურთელმა როტერდამში (2012), ჰეხინგენში (2018) და ასტანაში (2018) იჩემპიონა.
ეკატერინე გორგოძე ამჟამად მსოფლიოს რეიტინგის 217 ნომერია.
