როგორც ვიცით, შემოდგომაზე გასამართ მატჩებს საქართველოს ფეხბურთელთა ეროვნული ნაკრები ბათუმში, ახლადაშენებულ სტადიონზე გამართავს. გადაწყვეტილება ფეხბურთის ფედერაციამ მიიღო.
ამ საკითხთან დაკავშირებით, ფედერაციის ვიცე-პრეზიდენტმა, ალექსანდრე იაშვილმა დამატებითი განმარტება გააკეთა.
„ძალიან მნიშვნელოვანია, საქართველოს ნაკრები არ თამაშობდეს მხოლოდ თბილისში. ამხანაგური მატჩები გვქონდა ქუთაისსა და გორში. ძალიან მიხარია, რომ ბათუმში არაჩვეულებრივი სტადიონი ააშენეს და ისიც სასიხარულოა, რომ სამივე მატჩს წელს ამ სტადიონზე ჩავატარებთ. მოედნის საფარი უკვე არაჩვეულებრივ მდგომარეობაშია. 8 მაისიდან ბათუმის „დინამო“ საშინაო მატჩებს იქ ჩაატარებს. სასიხარულოა, რომ რეგიონშიც არის ასეთი არაჩვეულებრივი სტადიონი და გულშემატკივრის ფაქტორიც ძალიან მნიშვნელოვანი იქნება. ესპანეთთანაც დავინახეთ, როგორ შეუძლია გულშემატკივარს გუნდის დახმარება. იმედია, იმ დროისთვის ეპიდსიტუაცია უკეთესი გვექნება და ტრიბუნაზე მაქსიმალურად მეტი გულშემატკივარი შევა“, – განაცხადა იაშვილმა.
შეგახსენებთ, რომ საქართველოს ნაკრები შემოდგომაზე მსოფლიო ჩემპიონატის შესარჩევი ეტაპის სამ საშინაო შეხვედრას გამართავს:
2 სექტემბერი
საქართველო:კოსოვო9 ოქტომბერი
საქართველო – საბერძნეთი11 ნოემბერი
საქართველო – შვედეთი
