ნიონში, უეფას შტაბბინაში კონფერენსლიგის მესამე საკვალიფიკაციო ეტაპის წილისყრა გაიმართა, სადაც “დინამო” თბილისისა და “დინამო” ბათუმის სავარაუდო მეტოქეთა ვინაობა გაირკვა.
ამ ეტაპის შეხვედრები 5 და 12 აგვისტოს გაიმართება.
თუ საქართველოს მოქმედი ჩემპიონი ჰაიფას მაკაბის ბარიერს გადალახავს, მესამე ეტაპზე პოდგორიცას “ბუდოჩნოსტსა” (მონტენეგრო) და “ტორსჰავნს” (ფარერები) შორის გამარჯვებულს შეხვდება. ამ შემთხვევაში “დინამოელები” პირველ მატჩს შინ გამართავენ.
რაც შეეხება “დინამო” ბათუმს, გია გეგუჩაძის გუნდი “ბატეს” დამარცხების შემთხვევაში, მესამე ეტაპზე “პეტროკუბსა” (მოლდოვა) და “სივასპორს” (თურქეთი) შორის მოგებულს დაუპირისპირდება. ბათუმელები პირველ მატჩს საკუთარ მოედანზე გამართავენ.
გუნდებს, რომლებიც კონფერენსლიგის მესამე საკვალიფიკაციო ეტაპს დაძლევენ, ევროპალიგის მესამე საკვალიფიკაციო ეტაპიდან გამოვარდნილი კლუბები დაემატებიან. პლეი ოფის წილისყრა 2 აგვისტოს ჩატარდება, მატჩები კი 19 და 26 აგვისტოს.
