ეროვნული ლიგიდან პრემიერლიგაში. უფრო კონკრეტულად კი თბილისის „დინამოდან“ ინგლისურ „უიტფორდში“.
ასეთი ნახტომი გააკეთა ჩისკო მუნიოსმა. ალბათ შეხსენება საჭირო არ არის, რომ ახალგაზრდა ესპანელი სპეციალისტი ჯერ „დინამოს“ ფეხბურთელი იყო, შემდეგ კი ქართული ფეხბურთის ფლაგმანში მთავარ მწვრთნელად ორჯერ დაინიშნა და ორივეჯერ გუნდს ჩემპიონობა მოაპოვებინა. მანამდე კი ჩისკო მუნიოსი, ეროვნული ლიგის გამარჯვებული „დინამოში“ ფეხბურთელის რანგშიც გახდა.
შარშან დეკემბერში კი ჩისკომ ინგლისურ „უორფორდს“ მიაშურა, რომელიც პრემიერშიპში მეხუთე ადგილზე იმყოფებოდა. ესპანელმა მწვრთნელმა იქაურობას ალღო კარგად აუღო და თამაშს-თამაშზე იგებს.
მარტის თვეში, „უიტფორდმა“ მიჯრით 5 მატჩი მოიგო და სატურნირო ცხრილში მეორე ადგილამდე აღზევდა, რაც იმის წინაპირობაა, რომ პრემიერლიგაში აღზევებამდე არც ისე შორია.
აქედან გამომდინარე ჩისკო მუნიოსი პრემიერშიპის მარტის თვის საუკეთესო მწვრთნელადაც სრულიად დამსახურებულად დასახელდა.
„ეს ჯილდო ჩემთვის ძალზედ მნიშვნელოვანია, თუმცა ის მარტო მე არ მომიპოვებია ეს აღიარება ეკუთვნის თითოეულ ადამიანს ვინც უოტფორდში მუშაობს.
ჩვენ მაქსიმალურად ვიხარჯებით, რადგან მოგვწონს და გვიყვარს ეს სამუშაო და აქაური ატმოსფერო. ერთიანობას დიდი ძალა აქვს. ასეთ შემთხვევაში მოვა ბევრი წარმატებაც. ერთი მიზანი გვაქვს და ეს ყველას კარგად გვაქვს გათავისებული“ – აღნიშნა ჩისკო მუნიოსმა.
