უკრაინის ნაკრები ევროპის ჩემპიონატის საუკეთესო რვა გუნდშია. ანდრეი შევჩენკომ რაც ფეხბურთელობის დროს ვერ შეძლო, მოახერხა მთავარი მწვრთნელის რანგში.
უკრაინელებმა ჯგუფურ ეტაპზე ბეწვის ხიდზე იარეს და პლეიოფში შემავალი მატარებლის ბოლო ვაგონს იღბლის წყალობით შეახტნენ, იქ კი შვედეთის საკმაოდ ძლიერ და დაბალანსებულ გუნდს აჯობეს და მეოთხედფინალის საგზური დაიბევეს, სადაც ინგლისის ნაკრებს დაუპირისპირდებიან.
ანდრეი შევჩენკოს და მისი გაწრთვნილი ნაკრების წარმატებას გამოეხმაურა უკრაინის პრეზიდენტი ვლადიმირ ზელენსკი.
„როგორც არ უნდა დასრულებულიყო მატჩი, ვიცოდი, რომ ამ სიტყვებს მეც და ყველა უკრაინელი ერთად დიდი სიამაყით დავწერდით. მთელი ქვეყანა თქვენით ამაყობს. ჩვენ მთელი გულით გამხნევებდით და მადლობას გიხდით მონიჭებული სიხარულისთვის.
რა ბედნიერებაა, ამის დაწერა გამარჯვების შემდეგ. იქნებ კიდევ გვქონდეს შესაძლებლობა მეოთხედფინალის, ნახევარფინალისა ან ფინალის შემდეგ იგივე გავიმეოროთ.
დღეს არ იყო მე და შენ. დღეს ჩვენ ყველა ერთნი ვიყავით. ჩვენ ვიყავით უკრაინა. გუნდი 40 მილიონზე მეტი ადამიანით. ეს უკრაინის გუნდია, რომელიც ხასიათს და ძალას გვიჩვენებს. ბევრჯერ დიდი ტკივილიც გადავიტანეთ, მაგრამ არასდროს დავნებდით.
