ევროპის სუპერლიგის შექმნას ბევრი მოკრიტიკე ჰყავს. ეს პროექტი არა მხოლოდ რიგით გულშემატკივრს, არამედ საფეხბურთო სამყაროში უამრავ გამოჩენილ ფიგურას არ მოსწონს.
ერთ-ერთი მათგანი დევიდ ბექჰემია, რომელიც „მანჩესტერ იუნაიტედის“ თილისმა გახლდათ, ხოლო წითელი ეშმაკები იმ 12 გრანდს შორის არიან, რომლებმაც აღნიშნული გათამაშება დააფუძნეს.
„პროფესიონალურ ფეხბურთს შევეშვი, მაგრამ რიგით გულშემატკივრად დავრჩი. ფეხბურთი ყოველთვის იყო ჩემი ცხოვრების განსაკუთრებული ნაწილი. ახლაც ასეა – მე მიყვარს ფეხბურთი.
ფეხბურთი გულშემატკივრების გარეშე არაფერია. ახლა უკვე მეც გუნდის მფლობელი ვარ და არაფრად მიღირს ჩემი კლუბი თუ ქომაგების ინტერესები არ იქნება გათვალისწინებული. ფეხბურთი უპირველესად გულშემატკივრების არის.
ფეხბურთი სახალხო სპორტია. ის ყველასთვის უნდა იყოს. დღეს კი სამწუხაროდ ის დიდი საფრთხის წინაშე დადგა“ – ასე ეხმაურება დევიდ ბექჰემი ახალი სუპერლიგის დაარსებას.
