მან ისევ გამოანათა. არა, ის თავისი მომხიბლავი გარეგნობით მუდამ ბრწყინავდა და შეიძლება ითქვას არც ჩოგნის ქნევა გამოსდიოდა ცუდად. აკი, ერთი ხანობა მსოფლიო რეიტინგის ხუთეულშიც კი იყო.
ეჟენი ბუშარი – კანადელი ჩოგბურთელი, რომელმაც აგერ უკვე წელიწადზე მეტია თითქოს სპორტულ კარიერაზე გული აიცრუაო და საგრძნობლად უკლო. ყოველივე მის შედეგებზეც აისახა და შესაბამისად რეიტინგშიც უჩვეულოდ დაქვეითდა.
ამჟამად ეჟენი ბუშარი რეიტინგის 144-ე ჩოგანია და ბოლოს კორტზე პარიზში გამოჩნდა. მან როლან გაროსზე ითამაშა და ადრეულ ეტაპზევე მომავალ ჩემპიონთან, 19 წლის პოლონელ მეჩოგნე იგა სვიანტეკთან წააგო.
სამაგიეროდ, ბუშარი თაყვანისმცემლების ყურადღებას სხვამხრივ არ ადუნებდა. სოციალურ ქსელში გამოქვეყნებული მიმზიდველი ფოტოებით ის ალბათ ათასობით ადამიანს უძგერებდა გულს. ბოლო ხანს კი არც ამ მხრივ აქტიურობდა, თუმცა კვლავ გამოანათა.
„ესეც ჩემი დეკემბრის განწყობა“ – წერს ეჟენი ბუშარი ინსტარგრამის საკუთარ გვერდზე და თან ორიგინალურ საცურაო კოსტიუმში და ცხელ ქვიშიან სანაპიროზე გადაღებულ ფოტოებს ურთავს.
რთული სათქმელია, კანადელი ლამაზმანი, ჩოგბურთში ოდესმე თუ დაიბრუნებს ძველ პოზიციებს, მაგრამ ცხოვრება მუდამ მშვენიერია.
