ზაფხულის ფანჯრის პირველი ხმაურიანი ტრანსფერი უდავოდ დავიდ ალაბას მადრიდის „რეალში“ გაგაბარგებაა. ავსტრიელმა ფეხბურთელმა სამეფო გუნდს მომავალი 5 წლით დაუკავშირა.
მადრიდული გრანდი ალაბას ოფიციალურად ევროპის ჩემპიონატის დასრულების შემდეგ წარადგენს. ფინანსური დეტალები არ ხმაურდება, თუმცა გავლენიანი ესპანური გამოცემა Marca ირწმუნება, რომ ალაბა ყოველწლიურად 11 მილიონ ევროს მიიღებს.
ამასობაში, ავსტრიელმა ფეხბურთელმა „რეალში“ გადასვლის შემდეგ პრესასთან პირველი კომენტარი გააკეთა.
„ბაიერნში გამარჯვებულის მენტალიტეტი გვქონდა ჩამოყალიბებული. იგივე მინდა განმეორდეს რეალშიც. შემოთავაზებები არაერთი იყო, თუმცა გადაწყვეტილების მიღება არ გამჭირვებია. პრინციპში, ბევრი არც მიფიქრია. რეალი ყოველთვის პირველ ადგილზე იყო.
ბაიერნში არაჩვეულებრივი პერიოდი გავატარე. როგორც მიუნხენური გრანდი, ისე რეალი უდიდესი გუნდები არიან თავიანთი განსაკუთრებული ისტორიით.
მინდა რეალის ამ დიდებული ისტორიის ნაწილი გავხდე. ჩემთვის და ჩემი ოჯახისთვის აქ ახალი ცხოვრება იწყება, ეს ახალი ფურცელია“ – აღნიშნავს დავიდ ალაბა.
