ესპანელმა სპეციალისტმა, რომელმაც დიდი კარიერული ნახტომი გააკეთა და თბილისის „დინამოდან“ ინგლისურ „უოტფორდში“ აღმოჩნდა, მისდამი მწყრალად განწყობილ გულშემატკივრებს ცივი შხაპი გადაასხა.
გეცოდინებათ, რომ ჩისკოს „უოტფორდში“ დანიშნვას ამ გუნდის ქომაგები უარყოფითად გამოეხმაურნენ და მასზე იღლიცინეს. ესპანელი მწვრთნელის დანიშვნას არ იწონებდნენ და სკეპტიკურად იყვნენ განწყობილები. ჩისკომ საქმით და შედეგით დაამტკიცა, რომ ნაადრევად არ უნდა გაეკიცხათ.
მოკლედ, პრემიერშიპში ჩისკოს სადებიუტო მატჩი ლიდერ „ნორვიჩთან“ ჰქონდა და მატჩიც 1:0 დასრულდა. „უოტფორდმა“ სენეგალელი ლეგიონერის ისმაილ სარის ერთადერთი გოლის წყალობით მოიგო და სატურნირო ცხრილში მე-5 ადგილზე აღზევდა.
ჩისკო მუნიოსს და მის გუნდს შემდეგი დაპირისპირება 2 იანვარს „სუონსთან“ ელის.
