ესტონეთში მიმდინარე ჰააბნეემეის ტურნირზე მარიამ ბოლქვაძემ წარმატებული სტარტი აიღო და პირველ რაუნდში გერმანელი ჩოგბურთელი ალექსანდრა ვეჩიჩი 4:6, 6:0, 7:6 (7:3) დაამარცხა. ქართველი ჩოგბურთელი მე-2 რაუნდში უკრაინელ დარია ლოპატეცკას დაუპირისპირდება.
ბოლქვაძე ამჯერად წყვილთა გათამაშებაში მონაწილეობას არ მიიღებს.
შეგახსენებთ, რომ წინა კვირას ბოლქვაძემ ბრიტანელ სამანტა მარი შარანთან ერთად, პუატიეს ტურნირი მოიგო. აღსანიშნავია, რომ ამ წარმატების წყალობით, მარიამი WTA-ს წყვილთა კლასიფიკაციაში 104 ადგილით დაწინაურდა და 349 ქულით 259-ე ადგილზეა.
