მანჩესტერ იუნაიტედის თავდამსხმელი მარკუს რაშფორდი აშშ-ს ყოფილ პრეზიდენტს ბარაკ ობამას ესაუბრა.
ვიდეოკონფერენციის დროს, მხარეებმა განიხილეს, თუ როგორ შეუძლიათ ახალგაზრდებს გავლენა მოახდინონ საზოგადოებაზე.
„ბევრი ახალგაზრდა, ვისაც ვხვდები, მარკუსის ჩათვლით, ჩემს თავს მახსენებს, როცა 23 წლის ვიყავი. ისინი უკვე ცვლიან სამყაროს და დადებითად მოქმედებენ საზოგადოებაზე”, – თქვა ობამამ.
ფეხბურთელმა აღნიშნა, რომ ადრე მისთვის სრულიად წარმოუდგენელი იყო, რომ აშშ-ს 44-ე პრეზიდენტთან საუბროს შესაძლებლობა მიეცემოდა.
„ობამას წყალობით, თავი მაშინვე მშვიდად ვიგრძენი. მალე მივხვდი, რამდენად მსგავსი იყო ჩვენი ბავშვობის გამოცდილება: უბედურება, დაბრკოლებები და ა.შ.
საუბრის ყოველი წუთი ნამდვილად მსიამოვნებდა. როდესაც პრეზიდენტი ობამა საუბრობს, შენ უბრალოდ გინდა მოუსმინო”, – შეაჯამა რაშფორდმა.
