არსენალის ყოფილმა მთავარმა მწვრთნელმა არსენ ვენგერმა პსჟ-ს ახალგაზრდა სუპერვარსკვლავ თავდამსხმელ კილიან მბაპეზე ისაუბრა.
„კილიანი, როდესაც ის სიმწიფეს მიაღწევს მსოფლიოში ერთ-ერთი საუკეთესო იქნება. მან საკუთარი თავისთვის რაიმე საზღვრები არ უნდა დაადგინოს.
რამდენიმე წლის წინ მე ვთქვი, რომ კილიანსა და პელეს შორის დიდი მსგავსებაა, ვფიქრობ ეს კარგი მაგალითია. ბრაზილიელმა ლეგენდამ მსოფლიოს ოთხ ჩემპიონატში მიიღო მონაწილეობა და მათგან სამი მოიგო. მბაპემ 22 წლის ასაკში უკვე მოიგო ერთი.
საფრანგეთის ეროვნული ნაკრები ახალგაზრდა შემადგენლობითა და მრავალი საფუძვლით გახდა მსოფლიოს ჩემპიონი. მათ ყველაფერი აქვთ, რათა ყატარიდან გამარჯვებული დაბრუნდნენ,“ – განაცხადა ვენგერმა.
მიმდინარე სეზონში მბაპემ საფრანგეთის ლიგა 1-ში 23 მატჩში 18 გოლი გაიტანა, ბარსელონასთან ჩემპიონთა ლიგის მერვედფინალური ეტაპის პირველ მატჩში კი ჰეთ-თრიქი შეასრულა.
