ავტორიტეტული ესპანური გამოცემა Marca, ლეგენდარული დიეგო არმანდო მარადონას გარდაცვალების საქმეზე ახალი ინფორმაცია გაავრცელა.
არგენტინულმა სასამართლომ ეჭვმიტანილთა სიაში კიდევ სამი ადამიანი, ფსიქოლოგი კარლოს დიასი, რომელიც დიეგოს გარდაცვალებამდე რამდენიმე თვის მანძილზე კურნავდა და კიდევ ორი მედთანამშრომელი – დაჰიანა ჰიზელა მადრიდი და რიკარდო ალმირონი.
სამივე ამ ადამიანს ზერელე მიდგომაში ედება ბრალი. ანალოგიური ბრალდება ახლახანს წაუყენეს ფსიქიატრ აგუსტინ კოსაჩოვსაც.
ასევე ცნობილია ისიც, რომ დოქტორ ლეოპოლდო ლუკეს, რომელიც მარადონას პირადი ექიმი იყო, ლეგენდარული ფეხბურთელის ხელმოწერების გაყალბებაში დასდეს ბრალი.
შეგახსენებთ, რომ მარადონა 2020 წლის 25 ნოემბერს, გულის გაჩერების შედეგად გარდაიცვალა.
