როგორც თურქული საინფორმაციო საშუალებები წერდნენ, დიდი იყო იმის ალბათობა, რომ ბათუმის “დინამოს” მარცხენა მცველი ირაკლი აზაროვი “ტრაბზონსფორში” გადასულიყო.
მაგრამ, როგორც არჩილ ბერიძე “პოპსპორტთან” ინტერვიუში აცხადებს, აზაროვი მინიმუმ სეზონის ბოლომდე აჭარულ კლუბში ითამაშებს.
“აზაროვი ბათუმის დინამოში რჩება! გუნდის ერთ-ერთი ლიდერის გადაბირებას ფრანგული კლუბი და თურქული ტრაბზონსპორი ცდილობდნენ. თურქულ მხარესთან მოლაპარაკებები 10 დღის განმავლობაში მიმდინარეობდა და შემიძლია ვთქვა, რომ სატრანსფერო თანხის თვალსაზრისით მათი შემოთავაზება ქართული ფეხბურთის ისტორიაში ერთ-ერთი ყველაზე მაღალი იყო, მაგრამ როგორც ფეხბურთელმა, ასევე მისმა აგენტმა, დინამო ბათუმის ინტერესი გაითვალისწინეს და აზაროვი მინიმუმ სეზონის ბოლომდე ჩვენთან ითამაშებს, რისთვისაც მათ და ყველა იმ პირს, რომელიც მოლაპარაკებებზე ბათუმური კლუბის ინტერესს წარმოადგენდა, მადლობა მინდა ვუთხრა” – განაცხადა არჩილ ბერიძემ “პოპსპორტთან” საუბარში.
