იტალიის ჩემპიონატის 26-ე ტურში „იუვენტუსმა“ მეტად დამაჯერებელი და რაც მთავარია საჭირო გამარჯვება მოიპოვა. ტურინული გუნდი „ლაციოს“ დაუპირისპირდა და 3:1 დაამარცხა.
ამ გამარჯვებით „იუვენტუსს“ 52 ქულა დაუგროვდა, სატურნირო ცხრილში მესამე პოზიციაზეა და რაც მთავარია „ინტერთან“ საჩემპიონო რბოლაში კვლავ საქმეშია.
„იუვენტუსის“ მთავარი მწვრთნელი კმაყოფილია და თვლის, რომ ტიტულის შესანარჩუნებლად ეს გამარჯვება შესაძლოა გადამწყვეტიც კი გამოდგეს.
„ჩემპიონატის დასრულებამდე ჯერ დროა, მაგრამ არ გაგიკვირდეთ და ამ გამარჯვებამ შესაძლოა ტიტულიც კი შეგვანარჩუნებინოს. დღეს ძლიერი მეტოქე გვყავდა და დამაჯერებლად ვაჯობეთ, რაც ორმაგად მახარებს. ეს მოგება თვითრწმენისთვისაც გვჭირდებოდა, რადგან წინ ჩემპიონთა ლიგაზე მეტად რთული განმეორებითი დაპირისპირება გველის.
ყველაზე მეტად სასიამოვნო სანახავი ის იყო, რომ გაშვებული გოლის შემდეგ ჩემი ფეხბურთელები გონს სწრაფად მოეგნენ, არ დაიბნენ და მეტოქეს საპასუხო მძლავრი დარტყმები მიაყენეს.
ასეა თუ ისე, ეს 3 ქულ ჩვენთვის მეტად საჭირო და მნიშვნელოვანი იყო“ – აღნიშნა ანდრეა პირლომ.
